12/02/2009

Chronique : الباتول البيضاوية

J'ai le plaisir de vous faire découvrir une nouvelle chroniqueuse : Batoul Lbidawya. Ayant eu la permission de publier son texte, je lui rappelle qu'elle s'est engagée à offrir régulièrement d'autres chroniques à ce blog, en attendant qu'elle se remet à bloguer par son propre chef.

chambre%202%20huysmans.jpg

 

ڭالك آسيدي .. في أجمل بلد في العالم .. لي هو المغرب للي ما عرفوش !!!!..كاينة واحد الحاجة سميتها الديمقراطية !! أشنو هي الديمقراطية؟؟؟ لا.. ماشي هذا هو السؤال..!! السؤال هو آش مفهوم الديمقراطية في المغرب؟؟ أو بمعنى  آخر كيفاش تتمارس الديمقراطية في المغرب؟؟؟ .. هذا هو هدف النشرة الجديدة تعرفكم و تقربكم وتوريكم و تصدمكم بكفاش تتمارس الديمقراطي بالمغرب.

  ڭول لي شكون نتا.. نڭول ليك الديمقراطية اللي تواتيك!

 * الى كنت  بنت أو ولد الشعب !!! آه .. ولد الشعب بمعناها الواضح و الباين !!.. ولد ناس على قد الحال.. تقاتلوا و جاعوا باش يقريوۜك .. و نجحتي في الابتدائي و الإعدادي و الثانوي وما خيبتيهومش.. و مشيتي للجامعة و ناضلتي ضد خوصصة التعليم و طالبتي ببورس (منحة) تقدر تعيشك لآخر الشهر بلا جوع.. و بغيتي تڭول رأيك داخل الجامعة بلا خوف بلا خطوط حمرة بلا مقص... فالديمقراطية اللي تواتيك هي اللي تمارست و مازالت تتمارس على زهور ..مراد.. عثمان.. يوسف.. عبد الله.. العربي .. حفيظ ...... الطلبة ال 18 اللي محبوسين في مراكش و بوبكر و فوزي اللي محبوسين في تازة و نور الدين و رفاقه للي محبوسين في الراشيدية عاد الشباب اللي متابعين في مكناس!!!.

 * الى كنت بنت أو ولد الشعب, حر, كرامتك هي حياتك, بغيتي حقك في خيرات أرضك بغيتي تخدم و تكون أسرة, باغي تستافد من المرسى و الحوت اللي وهباتك الطبيعة, بغيتي فين تقۜري ولادك و خوتك الصغار.. بغيتي تبقى في وطنك وما تهاجرش باش توكل أمك و اخوتك و أولادك.. فالديمقراطية اللي تواتيك هي اللي طبق لعنيڭري و رجاله فاٍفني و اللي مازال تيدوق منها بارا و أغربي و زيان و سبع الليل... في سجن الزاكي و انزڭان!!.

* الى كنت بنت أو ولد الشعب, تقاتلتي و سهرتي باش تقرا و تنجح.. خديتي الإجازة و ربما ﯕاع الدكتوراة.. فرحتي واحلمتي انك  تكون اطار تفيد بلادك و تعطيها احسن ما عندك .. لكن تفاجئتي بواقع المحسوبية.. بواقع شكون باك عاد تخدم.. بواقع دهن السير يسير و ما لقيتي ما دير.. وليتي معطل تيحشم ياخد فلوس الطوبيس من باه الفلاح الفقير أولا الموظف البسيط في أحسن الأحوال.. و احتجيتي وبغيتي حقك فالشغل و الكرامة.. فالديمقراطية اللي تواتيك واضحة و باينة و تتمارس كل يوم أمام البرلمان  على الأطر العليا و فكل مكان بالمغرب على الجمعية الوطنية لحملة الشهادات المعطلين و اللي منهم السليماني و المرزوقي.. في سجن بوعرفة.

* و الى كنت فلاح فقير أو عامل زراعي تتعب و تشقى النهار أوماطال و الاقطاعي ياكل عرقك و يمص دمك.. فالديمقراطية اللي تواتيك هي اللي مارس و كيمارس زنيبر في ضيعة أيت حرز الله في مكناس.. و غيره فأولاد تايمة و فكل ضيعة في المغرب.

* اما الى كنت عامل بسيط.. تبيع عرقك باش توكل ولادك.. تخدم بالليل و النهار.. وما يخلي فيك الباطرون لا صحة ولا جهد.. فالديمقراطية اللي تواتيك هي : إما الزنقة حتى تموت بالجوع .. و يا إما يجرى لك ما جرى لعمال ايمني و جبل عوام أولا البنايا فعمارة المنال أو يقدر ﯕاع ما جرا فروزامور.

* أما إلى كنت ولد الفاسي..! وضحكتي على المعطلين.. و ديتي رزقهم و دمهم ... فالديمقراطية اللي تواتيك هي الوزارة الأولى ليك.. و وزارات و مناصب رفيعة لأفراد العائلة!!!!.

* و إلى كنت ولد اليعقوبي.. و مزوج من دار المخزن.. عندك فردي و ضربتي بيه شي واحد وخا كاع يكون بوليسي ..! فالديمقراطية اللي تواتيك .. مرض عصبي و اقامة في أرقى المستشفيات في المغرب.. و علاش لا .. تسافيرا لدولى أوربيا قصد العلاج !!!.

* و إلى كنت ولد العنصر.. ولا بنيس.. أو من قبيلة بوزبع.. و لا الفاسي الفهري.. و لا أي سمية من السميات الحصنة و المدرعة فهاد البلاد ... فالديمقراطية اللي تواتيك.. هي أنك معصوم من الخطأ.. و ما يقدر حد يقول لك علاش و كيفاش لحقاش.. أنت هو مول الشكارة.. عفوا.. مول الديمقراطية.!!! 

- الباتول البيضاوية-

 

Commentaires

Merci Lalla Batoul alias Shéhérazade Lbidawya pour ce merveilleux « Conte des Mille et Une Nuits » adapté à la réalité marocaine !

Vraiment géniale comme méthode et technique pour communiquer avec le peuple, voire avec une certaine élite makhzénienne.

Écrit par : Citoyen | 13/02/2009

vraiment super!
pour une premier billet vous avez placé la barre très haut!
c'est la première fois que je lit un aussi bon texte en darija!
je suis tombé sous votre charme et j'attends impatiemment l'arrivée de votre blog!

Écrit par : Marocain fier | 13/02/2009

Tbarkellah 3la lalla wa char7 dialha

jabtiha hia hadik :)

Écrit par : Anima | 13/02/2009

alors là Mounir, je ne te remercierais jamais assez pour une si belle lecture, notre chère batoul me rappelle bien qq un qui me manque... superbes images et superbe texte... vivement la suite... pour ma part, je suis pret à lui offrir, à batoul, une prise en charge de son blog...

Écrit par : RDB | 13/02/2009

Super texte lalla. Bravo :)
Si tu me le permets il manque à ce tableau deux cas :
1- le oueld chaab (classe moyenne) qui a bataillé pour faire des études à l'université ou dans les grandes écoles et qui en fin de compte a émigré.
2- le oueld chaab aussi plus pauvre celui-ci qui a traversé la méditerranée à ses risques et périls et qui a réussi de l'autre de côté.
Pour ces deux cas, la démocratie elli tewalhome est celle qui consiste en une phrase "envoie les devises et ferme ta gueule" ! Tu n'as aucun droit d'être représenté ou de l'ouvrir.

Écrit par : une marocaine | 15/02/2009

superb texte! de l'humour noir!
El Batoul! vas-y! pour le blog! tu feras un grand succés!
et pour toi mounir, je dis "merci"
pour ça! et pour autre chose!

Écrit par : asmae | 15/02/2009

@ tous : je vous transmets un grand sourire euphorique de lbatoul.

Écrit par : mounir | 16/02/2009

Écrire un commentaire